La Oficina d'Economía en Madrid entama pa identificar oportunidaes d'inversión

Primeres rondes de xuntes del director del departamentu con empreses y instituciones

La Oficina d'Economía y Comerciu d'Asturies en Madrid yá empezó a funcionar coles primeres rondes de xuntes del director del departamentu, José Luis Huerta, con empreses y instituciones na capital.

El conseyeru de Ciencia, Empreses, Formación y Empléu, Borja Sánchez, presidió esti miércoles la primer xunta de la comisión de siguimientu del conveniu robláu ente'l Principáu, les cámares de comerciu, la Federación Asturiana d'Empresarios (Fade) y Compromiso Asturies XXI, p'analizar los planes a curtiu y mediu plazu.

El director de la oficina presentó un plan operativu centráu na principal misión de la entidá: la identificación d'oportunidaes d'atraer inversiones p'Asturies.