Asturies ye la comunidá con más probeza visual infantil, un 11%, según un estudiu

En tol país hai más de 720.000 neños con probeza visual infantil

Asturies ye la comunidá autónoma con mayor tasa de probeza visual infantil, un 11 por cientu, frente a la media nacional del 8,4 por cientu, una situación d'imposibilidá económica d'una familia d'encarar el gastu que supón la compra de preseos ópticos como gafes o lentiyes y que medra les posibilidaes de fracasu escolar de los menores.

En tol país hai más de 720.000 neños con probeza visual infantil, según l'informe 'Radiografía de la pobeza visual infantil en España, 2024', espublizáu pola asociación Visión y Vida, qu'acuñó'l términu de probeza visual pa dar visibilidá a esta situación y como antoxana del Día Mundial de la Visión (10 d'ochobre).

"Na crisis de 2008 detectamos a munches persones que, por cuenta de los sos problemes económicos, nun anovaben los sos equipamientos ópticos, y na crisis causada pola pandemia de la covid-19, acuñamos el términu de probeza visual", afirmó nuna rueda de prensa'l presidente de Visión y Vida, Salvador Alsina.