Asturies lidera l'aumentu de la compraventa de vivienda n'agostu

N'España, la compraventa de viviendes frenó al 0,9% la xuba rexistrada n'agostu

La compraventa de vivienda n'Asturies xubió n'agostu un 20,9 por cientu respecto al mesmu mes del añu pasáu, lo que supón la mayor medría ente les comunidaes autónomes, según los datos espublizaos esti xueves pol Institutu Nacional d'Estadística (INE).

Nel Principáu cerráronse 1.211 transacciones, de les que 928 correspondieron a vivienda usada y 283, a nueva, y 1.073 a vivienda llibre y 138, a protexida.

Pese a la medría en tasa interañal, la compraventa de vivienda n'Asturies amenorgó en rellación a xunetu un 2,6 por cientu.

Nel acumuláu del añu, la compraventa de vivienda nel Principáu d'Asturies xube un 5 por cientu, hasta 8.710 transacciones.