L'IPC medra n'Asturies al 2% interañal n'ochobre

Los alimentos pasen d'una xuba del 3,3% al 2%

L'índiz de precios de consumu (IPC) medró la so xuba interañal n'ochobre en dos décimes, al pasar del 1,8 al 2 por cientu, anque nel grupu d'alimentos diose una moderación de más d'un puntu, del 3,3 al 2 por cientu, según los datos espublizaos esti xueves pol Institutu Nacional d'Estadística (INE).

Enantes de la xuba d'ochobre, l'IPC encadenara n'Asturies tres meses de descensos con baxaes de seis décimes en xunetu, de cinco n'agostu, y d'otros seis en setiembre.

En tasa mensual los precios medraron na comunidá un 0,5 por cientu, mientres que nel acumuláu de xineru a ochobre xuben un 2,2 por cientu.

Por grupos de precios y en tasa interañal, les mayores xubíes fueron nos hoteles, cafés y restauranes, un 4,7 por cientu, y vistíu y calzáu, un 4,6 por cientu.