La medría del preciu del alquiler obliga cada vegada a más persones a tener que compartir pisu

Los inquilinos asturianos dediquen más del 30% de los sos ingresos a la renta

La medría del preciu del alquiler obliga cada vegada a más persones a tener que compartir pisu. N’Asturies los inquilinos dediquen el 30,3% de los sos ingresos a la renta, daqué más de dos puntos al respective del añu pasáu. El preciu mediu del alquiler asítiase en 714 euros. Esta medría fai qu’haya 1,7 convivientes que contribuyen al pagu del alquiler per vivienda, lo que supón, en muchos d’estos casos, que convivan diferentes unidaes familiares nuna mesma casa.

La escomanada medría del alquiler emburria a los inquilinos a compartir vivienda p’asumir les mensualidaes. Asina lo diz l’observatoriu del alquiler nel que participa Alquiler Seguro, Fotocasa y la Universidá Rei Juan Carlos.

N’España, el porcentaxe d’ingresos dedicáu al alquiler mengua mediu puntu a costa de compartir pisu. Esa tendencia entá nun se rexistra n’Asturies. Esto ye por mor de que’l mercáu del alquiler n’Asturies ye diferente al d’otres comunidaes autónomes, ta dixebráu y nun se concentra nuna única población.

El Bancu d’España afonda en que los arrendatarios nun dediquen más del 35% de los sos ingresos en pagar l’alquiler. N’España, hasta 10 provincies superen esa cifra. Lidera la llista Baleares y Gipuzkoa col 39%.

Ún de los factores de la medría de precios produzse pola falta d’ufierta d’alquiler, sobre manera en ciudaes nes que más medra la población.