La inflación xube 6 décimes en payares, hasta'l 2,4%

L'encarecimientu de la electricidá y el carburante ta tres d'esa medría

La inflación xubio seis décimes en payares, la so mayor medría dende setiembre 2023, y asítiase nel 2,4%, por mor, sobre manera, del encarecimientu de la electricidá y del carburante, que baxaron los precios nel mesmu mes del añu pasáu.

Según el datu adelantáu del índiz de precios de consumu (IPC) asoleyáu esti xueves pol Institutu Nacional d’Estadística (INE), la tasa xeneral lleva dos meses siguíos al alza y dexa atrás una tendencia de cuatro meses de baxada qu’entamó en mayu.

Per parte de so, la tasa de variación añal estimada de la inflación subyacente -l’índiz ensin alimentos non ellaboraos nin productos enerxéticos- menguó una décima, hasta’l 2,4%.