Glovo dexará de trabayar con repartidores autónomos y fadrá-yos contratos llaborales

Abrirá una mesa de diálogu colos axentes sociales pa guiar el procesu de cambéu de modelu

La plataforma d’entregues pa en casa Glovo camudará’l so modelu de rellaciones colos trabayadores n’España, basáu hasta agora en cuntar con repartidores autónomos, y fadrá contratos llaborales.

La compañía tomó esta decisión dempués de tar nel puntu de mira pol usu de la figura de los autónomos, lo que llevó a una xuez de Barcelona a investigar si vulneró los derechos de los sos trabayadores. La xuez citó a declarar mañana como investigáu al cofundador y conseyeru delegáu de la plataforma, Oscar Pierre.

Nun comunicáu, Glovo aseguró esti llunes que dio esti pasu "dientro del so firme compromisu con España, el so país d’orixe y principal mercáu" y dio anuncia de qu’abrirá una mesa de diálogu colos axentes sociales pa guiar el procesu de cambéu de modelu.