Uviéu y Xixón concentraron la producción económica nos postreros 30 años

Regiolab asitia a Avilés en tercer llugar y Siero xube al cuartu en desterciu de les cuenques mineres

La producción económica foi concentrándose n'Asturies alredor de los conceyos d'Uviéu y Xixón nos postreros trenta años, según un análisis asoleyáu güei pol observatoriu de Regiolab. L'estudiu afitóse nel periodu que va ente 1980 y 2020. Nesti tiempu, l'índiz de concentración pasó del 12,6 al 14,7. Esti fenómenu foi más intensu na década de los 80.

Uviéu y Xixón son los conceyos que más contribuyen al valir añadíu brutu. Xuntos representen más del 50% del total. En 2010 Uviéu adelantó a Xixón y pasó a ocupar el primer puestu d'esti ranking. Avilés caltiénse en tercer llugar y Siero xubió al cuartu, al empar que les cuenques mineres fueron perdiendo pesu. D'esta manera, la crecedera económica foi focalizándose na exa central d'Asturies, dexando atrás a conceyos d'interior y rurales.

Por sectores, Regiolab ve una mayor concentración nes árees d'industries estractives, metalurxa y enerxía. Dellos conceyos amuesen una clara especialización. Por casu, en Tinéu y Valdés concéntrense les actividaes del sector primariu, en Navia'l de les industries d'alimentación y en La Ribera, la enerxía eléctrica.