Asturies apurrirá 4,1 millones al fondu solidariu pa la reconstrucción de Valencia

El Principáu reasigna esti dineru p'afitar la so solidaridá coles zones afectaes pola dana

Asturies apurrirá al fondu de solidaridá pa la reconstrucción pola dana en Valencia, un total de 4 millones cien mil euros. Fondos que salen dende la Conseyería de Ciencia que reasigna partíes del Mecanismu de Recuperación y Resiliencia.

Son cuatro millones non executaos por falta de demanda pa la contratación de banda ancha de beneficiarios del salariu social, meyores na conectividá de polígonos industriales y sustitución de cableáu de distintes canales de comunicaciones n’edificios construyíos enantes del añu 2000. Toes elles demandes que yá taben cubiertes n’Asturies y unos fondos qu’al ser finalistes, nun se puen utilizar pa otros oxetivos na nuestra comunidá.

El Principáu reasigna esti dineru p’afitar la so solidaridá coles zones afectaes pola dana. Agora namás falta que’l Ministeriu de Facienda y Función Pública indique cómo proceder pa entregar estos cuatro millones d’euros al fondu.