La bolsa española rexistra la mayor cayida en cinco años al fundir un 5,83%

Los bancos son les empreses más afectaes

La bolsa española perdió esti vienres el 5,83%, la mayor cayida diaria dende marzu de 2020, y zarró per baxo de los 12.500 puntos pol mieu a una recesión pola guerra comercial entamada polos Estaos Xuníos, asina como pola mengua de los bancos y les places internacionales.

L’índiz de referencia del mercáu nacional, l’IBEX 35, con tolos sos valores a la baxa, cedió 769,2 puntos, esi 5,83%, hasta 12.422 puntos, nivel desconocíu dende va dos meses. Na peor selmana dende l’entamu de marzu de 2022 cayó un 6,67%, anque nel añu acumula entá una xubida del 7,13%.

N’Europa, col euru en 1,0971 dólares y una depreciación del 0,74%, Milán baxó’l 6,53%; Londres y Fráncfort el 4,95% caúna; y París el 4,26%.