'Ojo al Llano', puntu final a una precursora y orixinal propuesta audiovisual

La idea dio como resultáu 10 curtios col móvil como única ferramienta de trabayu

Dende’l convencimientu de que’l comerciu de cercanía dignifica, arriquez y fai ciudá, los vecinos del barriu xixonés d’El Llano ficiéronlu protagonista del primer festival de curtios 'Ojo al Llano'.

Los participantes tuvieron un cursu enantes d’edición y grabación de videu, colos sos móviles como única ferramienta de trabayu y dos meses pa ponelu en práctica.

La idea dio como resultáu 10 curtios, dalgunos simplemente spot publicitarios y otros que cuenten histories.