'Uviéu Emprende' atiende cuasi 10.000 consultes nos sos primeros diez años de vida

Un serviciu con distintos programes de sofitu al entamador

'Uviéu Emprende' atendió cuasi 10.000 consultes nos sos primeros diez años de vida. Ye un serviciu con distintos programes de sofitu al entamador qu'ufierta dende asesoramientu llegal, información sobre subvenciones o encamientos pa encarar el tresformamientu dixital.

Pa la moza Marta Pérez Rey, participar nel Programa Impulsa entamáu por 'Uviéu Emprende’ supunxo’l sofitu definitivu al so proyectu. Atopó asesoramientu fiscal y llegal, ente otros, col qu'ellaborar un plan d'empresa y viabilidá. En xineru, echó a andar el so negociu de marketing dixital.

Nos sos diez años de vida, Uviéu Emprende fizo miles d'asesoramientos a entamadores. Consultes, principalmente, sobre trámites de normatives y llicencies y información d'ayudes y subvenciones.

Sobre manera, dio sofitu pa encarar retos, como'l del tresformamientu dixital, según esplica Roberto Bayón, mentor d'Estratexa de Negociu.

Les nueves tecnoloxíes o'l comerciu local, non solo d'Uviéu, sinón tamién d'otros puntos d'Asturies, fueron los principales sectores usuarios d'un serviciu que tien dos centros de trabayu.

La Ería cuenta con una ocupación d'entamadores del 85% y el Viveru de Ciencies de la Salú, onde trabayen cinco proyectos, xeneren un volume total d'empleos cercanu a les 70 persones.