Alcoa entama l’apagáu de les cubes d’electrolisis de la so fábrica d’Avilés

Nel casu de que surda un comprador la planta podrá reactivase pa volver a producir aluminiu

Alcoa entamó l’apagáu de les 185 cubes d’electrolisis que taben operatives, de les 289 qu’hai, na fábrica d’Avilés, nuna oposición qu’acabará nos díes vinientes cola garantía de que se podríen activar nel casu de que surda un inversor interesáu n’esplotales.

El presidente del comité d’empresa d’Alcoa Avilés, José Manuel Gómez de la Uz, esplicó que la operación ta llevándose alantre "con tola seguridá" de que nel casu de que surda un comprador la planta puea reactivase pa volver a producir aluminiu.

A pesar "del baxón" de ver cómo se paren les cubes -"naide quería llegar a esti puntu", apuntó-, la plantiya ta animada y convencida de qu’hai posibilidaes de poder llegar a un bon alcuerdu y volver a trabayar, dixo’l máximu responsable de los trabayadores de l’aluminera avilesina.