Alcuerdu en materia enerxética de los 27 pa frenar los precios del gas

Una de les fórmules, estender el "mecanismu ibéricu" a tola Xunión Europea

Los líderes europeos, zarraos en Bruxeles esti xueves cuasi 12 hores, celebraron un alcuerdu en materia enerxética sobre les 3:00.

L'alcuerdu va sirvir pa desenvolver fórmules que puean abaratar la enerxía, como trabayar pa estender el "mecanismu ibéricu" a tola Xunión Europea, crear un sistema voluntariu de compres conxuntes de gas, o diseñar un tope al preciu d'esi hidrocarburu.

Los ministros d'Enerxía van ser los que desenvuelvan esti alcuerdu de mínimos.