Arcelor anuncia nueves paraes que van afectar a 550 trabayadores

El llargor mediu de les paraes va ser de tres díes

ArcelorMittal anuncia paraes en toles instalaciones acabadores d'Avilés la selmana que vien. Asina lo comunicó güei a los trabayadores. El llargor mediu de les paraes va ser de tres díes, anque hai talleres, como'l de Galvanizáu 1 que va detener la so producción tola selmana.

La midida afecta a 500 trabayadores de plantiya y a otru mediu centenar de contrates que tendrán que coyer permisos o vacaciones si los tienen, o bien acoyese al ERE.

La compañía yá adelantó'l pasáu vienres que toles instalaciones podríen parar pola falta de demanda y güei concretó esi calendariu que podría siguir ampliándose nes próximes selmanes.

Énte esta situación sigue negociándose'l conveniu. Les postures ente dambes partes siguen alloñaes, sobre manera no referente a les xubíes salariales. Volverán axuntase'l xueves.