Asturies volverá a tener récor d'empreses esportadores regulares

Les esportaciones ayuden a fortalecer les compañíes y crear trabayu

Too apunta a qu’Asturies volverá a tener un récor d’empreses esportadores regulares, aquelles que yá afitaron les sos ventes al estranxeru dempués de cumplir más de 4 años siguíos. Dende Asturex apunten a que ye un llogru importante porque ayuda a fortalecer les compañíes y crear trabayu.

Oxiplant vende pieces d’aceru pa la eólica y construcción. Vender a otros países significa tranquilidá, asegura Jorge Torres Artime, responsable de Marketing n’Oxiplant.

Oxiplant ye una de les 650 empreses esportadores marcaes como regulares l’añu pasáu n’Asturies. Batióse récor, y espérase repetir esti añu, asegura Bruno López, director xeneral d’Asturex.

Una actividá que xenera trabayu, como poco’l del nuevu equipu d’esportación, esplica, Héctor Cortés, director técnicu de DSP Solar.

Nesta empresa dedicada a vender tol kit necesariu pa instalar enerxía solar en cases y industries, calculen que’l 25% de la so facturación vien yá de les ventes al estranxeru.

N’Oxiolant l’añu que vien esperen pasar del 10% d’esportación al 20%.