Campaña 'X Solidaria': la importancia de marcar el caxellu de la declaración de la renta

Al marcala destínase un 0,7% de los impuestos a programes que faen les ONG

La pandemia afecta tamién al trabayu de les persones con discapacidá intelectual, anque solo una de cada cuatro persones con esa discapacidá busca trabayu. El paru ye eleváu, anque los niveles d'ésitu cuando trabayen son altos, según señaló Enrique Galván, voceru de Plena Inclusión n'España.

Nuna entrevista en TPA Noticies Matinal, Enrique Galván señaló que, pa favorecer l'autonomía y inclusión de persones con discapacidá, ye vital el trabayu de les ONG, qu'estos díes recuerden la importancia de marcar la 'X Solidaria' na declaración de la renta.

Al marcala destínase un 0,7% de los impuestos a programes que faen les ONG, polo que se beneficien les persones en situación de vulnerabilidá, ensin nengún costu económicu pal contribuyente.

El 55% de los contribuyentes marcaron l'añu pasáu esti caxellu, un 11% solo la de la ilesia, pero marcando los dos caxellos, pue ayudase'l doble.