Webcams
Buscar
Duro Felguera anuncia la presentación d'un ERE
La empresa xustifica la decisión na necesidá d'amenorgar una plantiya que considera sobredimensionada
La dirección del grupu d'inxeniería y bienes d'equipu Duro Felguera plantegó esti martes a la representación sindical la necesidá d'executar un espediente de regulación d'empléu (ERE) d'estinción pa cuatro de les sos sociedaes, informaron a Efe fuentes sindicales.
El despidu colectivu, que plantega por causes oxetives de calter económicu, granible y organizativu, afectaría a Duro Felguera SA, que cunta con 296 trabayadores; DFOM, con 182; Mompresa, con 122, y Felguera-IHI, con 7.
La dirección, que nun afondó nel retayu que plantega pa cada empresa, encamentó a la representación sindical a constituyir la comisión negociadora nel plazu de 15 díes y les negociaciones van facese a partir d'entós a lo llargo d'un mes.
