Duro Felguera destaca l'impulsu que les ayudes de Transición Ecolóxica van suponer pal proyectu d'hidróxenu verde

Aprobaos 4,2 millones d'euros pa la producción d'hidróxenu nel Pozu Fondón a partir de la electrólisis

Duro Felguera destaca l'impulsu que les ayudes del Ministeriu pa la Transición Ecolóxica y el Retu Demográficu van suponer pal proyectu d'hidróxenu verde que tienen Hunosa, Alsa y Nortegás.

El Ministeriu pa la Transición Ecolóxica y el Retu Demográficu aprobó, de manera provisional, 4,2 millones d'euros pa la producción d'hidróxenu nel Pozu Fondón a partir de la electrólisis del agua de la mina.

El calor xenerao emplégase pa calecer inmuebles de la redolada aprovechando la instalación de xeotermia que yá esiste na antigua esplotación.