ENCE da anuncia d'una inversión de 105 millones pa modernizar la so planta de Navia

Los planes d'ENCE pasen pola celulosa y la enerxía anovable

Los planes de medría d’ENCE pasen pola celulosa y la enerxía anovable con biomasa y fotovoltaico.

Pa la fábrica de Navia, la compañía dio anuncia d’una inversión de 105 millones d’euros en dellos proyectos.

Ún d’ellos ye la diversificación de la celulosa especial pa productos hixénicos absorbentes; l’otru ye un proyectu de descarbonización que dexará, según ENCE, amenorgar les emisiones de Co2 en 50.000 tonelaes añales dende 2024. Sedrá al traviés del usu como biocombustible de la lignina, que ye una sustancia vexetal presente na celulosa.

ENCE dio anunciado a los mercaos de que piensa rexistrar nos años vinientes una fuerte xeneración de caxa en tolos escenarios posibles gracies a les inversiones na fábrica asturiana. Inclusive énte un hipotéticu pieslle de la planta de Pontevedra, que tien la prórroga de la concesión nos tribunales.​