Economistes amuésense moderadamente pesimistes al respective de la evolución socioeconómica

Encuesta fecha a más de 200 economistes asturianos

Daqué pesimistes ye como s’amuesen los economistes asturianos al respective de la evolución socioeconómica del Principáu a curtiu plazu. Una encuesta ente los colexaos dexó facer el primer económetru asturianu que puntúa la confianza, un indicador que ye negativu.

La opinión de más de 200 economistes forma’l primer económetru asturianu. Les espectatives pa los 12 meses vinientes son negatives en cuantes a la evolución del trabayu y la situación xeneral, anque s’amuesen más optimistes confiando nuna meyora del aforru nes cases.

Prácticamente tolos encuestaos consideren que la descarbonización perxudicará a la economía y que les polítiques d’avieyamientu nun son útiles. Nueve de cada diez cree que les prestaciones por xubilación empeorarán y que la presión fiscal n’Asturies ye abonda. Los economistes apunten los factores clave qu’inflúin na competitividá asturiana.

Los espertos n’economía son más optimistes al respective de la evolución del aforru nes cases asturianes. Seis de cada 10 cree que, a curtiu plazu, la situación meyorará.