El BBVA plantega'l despidu de 3.800 emplegaos n'España y cerrar 530 oficines

Supón el 16,3% d'una plantiya d'unos 23.300 trabayadores

El BBVA plantegó esti xueves a los sindicatos el despidu de 3.800 emplegaos n'España, el 16,3% d'una plantiya d'unos 23.300 trabayadores, amás del zarru de 530 oficines, el 21,3% de la so rede, col envís de ganar rentabilidá y eficiencia, según informaron fontes de la negociación.

La dirección del bancu y los sindicatos axuntáronse esti martes pa negociar un despidu colectivu que'l BBVA defende pola enorme competencia nel sector, los baxos tipos d'interés, l'adopción acelerada de les canales dixitales por parte de los veceros y la entrada de nuevos actores dixitales.

A zarru de 2020, el BBVA cuntaba n'España con 29.330 emplegaos, sicasí, si s'escluyen los trabayadores de distintes sociedaes del bancu que nun se verán afectaos polos axustes, la cifra queda nunos 23.300, d'ehí que les 3.800 salíes plantegaes seyan el 16%; la cifra d'oficines, na mesma fecha, yera de 2.482.