El Club Asturianu de Calidá apuesta pola formación n'economía circular pa crear nuevos empleos
![El Club Asturiano de Calidad apuesta por la formación en economía circular para crear nuevos empleos](https://www.rtpa.es/fotos//23/05/20230504123237_RTPA3448459.jpg)
Un estudiu analiza la formación y capacitación de profesionales en competencies verdes
Una oportunidá d'empléu pue tar na economía circular, según el Club Asturianu de Calidá, que ta faciendo un estudiu sobre cómo la formación y capacitación de profesionales en competencies verdes y circulares pue contribuyir a meyorar l'aportación al PIB de l'agricultura y la ganadería.
Tamién a iguar el cayente demográficu y a afitar población nes zones rurales. Una de les cuatro fases del estudiu ye un proyectu pilotu de formación con alumnos de FP d'Avilés y Xixón.
Con él quier analizase la posibilidá d'incorporar esa formación rellacionada cola economía circular nos planes d'estudiu tanto en FP como nes titulaciones universitaries.
Asturies ye la única comunidá que desenvuelve esti proyectu, que financia'l Ministeriu de Derechos Sociales y Axenda 2030. El proyectu va acabar en payares.