El fabricante chinu BYD escueye Turquía pa una nueva planta de vehículos eléctricos

Xixón aconceyó va delles selmanes con responsables de BYD pa esplorar futures inversiones n'Asturies

El fabricante chinu de coches eléctricos BYD escueye Turquía pa construyir una planta de producción dempués del proyectu anunciáu n’Hungría.

La factoría, con una inversión de 1.000 millones de dólares, diba ser la segunda que s’instalare n’Europa, anque a la fin quedó a les puertes.

L’anunciu produzse unos díes dempués de que la Comisión Europea aprobare aranceles a les importaciones de vehículos chinos, anque Turquía tamién afitó impuestos adicionales a los coches importaos.

L’Ayuntamientu de Xixón aconceyó va unes selmanes con responsables de BYD pa esplorar futures inversiones n’Asturies. Nun sedrá la d’esta nueva planta que piensa entamar la so producción a finales de 2026 y creará 5.000 trabayos directos.