El paru xube n'Asturies en 301 persones n'agostu

En rellación a agostu de 2017 el paru rexistráu nel Principáu baxa en 4.377 persones

El númberu de paraos rexistraos nos servicios públicos d'empléu n'Asturies xubió n'agostu en 301 persones al respective de xunetu, el 0,44%, hasta un total de 68.293 paraos, según los datos asoleyaos güei pol Ministeriu de Trabayu, Migraciones y Seguridá Social.

En rellación a agostu de 2017 el paru rexistráu nel Principáu baxa en 4.377 persones, el 6,02%.

Por sectores, el paru rexistráu xubió en servicios, en 289 persones, hasta 48.373 paraos, y na industria, en 119 paraos, hasta 5.672.

Sicasí, baxó na construcción, en 28 persones, hasta 6.072 paraos, mientres que na agricultura la cifra caltiénse en 1.268 paraos.

El paru rexistráu tamién baxó ente'l colectivu ensin empléu anterior, en 79 persones, hasta un total de 6.908.

Ente'l colectivu estranxeru, el paru na rexón baxó en 90 persones al respective de xunetu, el 1,77 por cientu, colo que nel últimu añu baxa en 191, el 3,68%, hasta 5.005 paraos.

Al respective de la contratación, n'Asturies robláronse n'agostu 31.822 contratos, un 13,6% menos qu'en xunetu, anque un 6,2% más que va un añu.

D'esi total de contratos, 29.199 fueron temporales y 2.623, indefiníos.

La contratación indefinida baxó un 3,2% mensual, anque xubió un 52,9% interañal.

Per otru llau, la contratación temporal baxó un 14,4 por cientu al respective de xunetu, pero aumentó un 3,4 por cientu en rellación a agostu de 2017.

Nel acumuláu de los ocho primeros meses del añu robláronse na rexón 247.165 contratos, de los que'l 91,32 por cientu fueron temporales y el 8,68% restante, indefiníos.

Nel conxuntu del país, el númberu de paraos rexistraos nes oficines de los Servicios Públicos d'Empléu Estatal (SEPE) aumentó n'agostu en 47.047 persones respecto al mes anterior (+1,50 %), lo que marca la mayor medría nesi mes dende 2011 y asitia la cifra total de paraos inscritos en 3.182.068.

Nel últimu añu'l paru menguó n'España en 200.256 persones, el 5,92 por cientu, hasta asitiar el númberu de paraos nel nivel más baxu algamáu nun mes d'agostu de los postreros diez años.

En términos desestacionalizaos, esto ye, ensin tener en cuenta les diferencies estacionales y de calendariu, el desempléu cayó en 2.819 persones nel mes d'agostu.

Por sectores, principalmente aumentó'l numberu de paraos que trabayaron nos servicios (39.758 paraos más), anque tamién na construcción (9.246 más) y la industria (8.110 más), mientres que s'amenorgó na agricultura (4.562 menos) y nel colectivu ensin empléu anterior (5.505 menos).