Webcams
Buscar
Mayor cayida añal dende la Guerra del Golfu
El coronavirus provocó’l mayor esbarrumbe del petroleu dende la Guerra del Golfu. L’Axencia Internacional de la Enerxía dixo güei que l’impactu del Covid-19 provocará la primer cayida añal de la demanda global dende la recesión de 2009.
L’enfriamientu de la demanda en China y demás países ta tamién tres la baxada del gas y la enerxía eléctrico.
El barril de petroleu cayó en picáu, un 30%. La razón, les diferencies ente Arabia Saudí y Rusia sobre cómo abordar la baxada de demanda pol coronavirus.
La mengua de precios nun sedrá tan fuerte nes gasolineres, pero según los analistes del Grupu ASE, llegará. El mercáu de la enerxía eléctrico tamién ta a la baxa y nel recibu de la lluz vese yá dende va unos meses.
Los precios del pull mayorista varien ente un 30 y un 40% menos que va un añu.
Con toles regasificadores enllenes de gas, sicasí, nun hai enagora nenguna orde pa que la de Xixón entre a funcionar.
La previsión ye qu’estos precios sigan a la baxa.
Bona noticia pal consumidor, pero mala pa los impuestos, porque tres d’ella, alvierte’l Grupu Ase, habrá una baxada d’ingresos públicos.
