El presidente de Duro Felguera, dispuestu a dexar el cargu

Asegura que nun quier ser una torga pal futuru de la compañía

El presidente de Duro Felguera asegura que nun quier ser una torga pal futuru de la compañía.

Según pudo saber TPA, Ángel Antonio del Valle amosóse ayeri dispuestu a dexar el so cargu si eso facilita les coses.

La so dimisión plantegárase como condición pa llegar a un alcuerdu cola banca y la entrada d'inversores. Pero enagora'l presidente de Duro Felguera nun foi tan rotundu al rodiu de la so posible salida.

Les declaraciones lleguen nun momentu clave. Si nun hai cambeos, en tres díes vence la prórroga de la banca pa cobrar la so delda y podría entrase en concursu d'acreedores. Duro acumula 360 millones de delda bruta, la mayoría col Bancu de Santander.

Güei aconceya'l Conseyu d'Alministración de Duro Felguera. El primeru dempués de conocese tamién la querella de la Fiscalía Anticorrupción escontra Del Valle y otros ocho cargos por presuntos sobornos en Venezuela y blanquéu de capitales.

Mientres, Duro apura les opciones d'algamar lliquidez y ta tanteando la venta de Felguera Rail, pero nun algamó enagora l'interés de nengún comprador.