El reciclaxe impulsáu por Europa podría crear 340 puestos de trabayu n'Asturies

Gunther Wolff defende la incineración como meyor solución a les residuos non reciclables

L'aumentu de reciclaxe impulsáu dende Europa va afitar la crecedera de la economía y la creación d'empléu. Esti ye'l mensaxe de la Comisión Europea, qu'envalora qu'hasta 2030 podríen crease n'Asturies 340 nuevos puestos de trabayu amestaos a esti sector.

El responsable de la Dirección Xeneral de Mediu Ambiente, Gunther Wolff, esplicó que l'oxetivu ye aumentar el reciclaje de residuos n'Europa del 34% actual al 65% nel 2030, y ellaborar productos sostenibles y de mayor duración que los actuales.

Los vertíos namás van poder llegar al 10% y pa lo que nun se puea reciclar la incineración ye una bona opción.

Europa, dixo'l responsable de la Comisión, tien un retu, facer productos que duren más y apostar por facer negociu col so caltenimientu y non la compra d'otros nuevos.

Wolff fizo estes declaraciones momentos enantes d'asistir a la 'Xornada 'Webinar' sobre Economía Circular' entamada por Femetal.

Una xornada na que tamién participaron Mercedes Álvarez, directora de Mediu ambiente del Grupu Luvicar, Francisco Suárez, director comercial d'empreses de CaixaBank de CyLl y Asturies, Rubén González, director xerente d'Impulsa Xixón, Belén Fernández, conseyera d'Infraestructures, Jonás Fernández, eurodiputáu socialista por Asturies, Fernando Tresguerres, responsable de Mediu Ambiente del área industrial del Grupu Corporación Masaveu, Adolfo García, director de desarrollu de negociu d'Idesa, Amparo del Olmo, directora de Mediu Ambiente d'Arcelor Mittal Asturies, Luis Buznego, presidente del Club Asturianu d'Innovación, Guillermo Ulacia, presidente de Femetal, Santiago Fernández, xerente de Coxersa, María Teresa Mallada, presidenta del Grupu Hunosa, Laureano Lourido, presidente de l'Autoridá Portuaria de Xixón, Pablo Menéndez, director xeneral del Grupu Luvicar y Eva Pando, directora del IDEPA RIS3.