El sector de la lleche factura 12.700 millones d'euros n'España

Más de 18.000 ganaderos caltienen la producción llechera

El sector de la lleche factura 12.700 millones d’euros al añu y da trabayu a 70.000 persones de manera directa, cerca del 20% del trabayu de tola industria agroalimentaria española.

Más de 18.000 ganaderos caltienen una producción llechera que, anque se caltién más o menos estable nos últimos años, compite con una medría de les importaciones.

Nuria María Arribas, directora xerente d’InLac, esplicó que la interprofesional de la lleche, qu’axunta a productores y industria, entamó una campaña pa que los usuarios seyan conscientes del orixe de la lleche de los productos que consumen y miren la etiqueta.

Les esplotaciones ganaderes de lleche tienen una importancia estratéxica d’ocupación y sostenimientu del mediu rural en dalgunes comunidaes como Asturies.

España ye’l sestu país productor de lleche de vaca de la Xunión Europea, pero ye’l terceru en lleche de cabra y el segundu d’oveya, namás tres de Grecia.