El suministru de productos derivaos de la lleche nun cuerre peligru a curtiu plazu

CLAS ta esmolecida pol efectu del paru nel tresporte a les ganaderíes de la cooperativa

Nun salen productos de la fábrica de la Corporación Alimentaria Peñasanta S.A, Capsa, en Granda pero hai suministru de comida animal. Sicasí, si se caltién la fuelga afectará porque nun entrará, por exemplu, granu.

Nuna entrevista a TPA Noticies Matinal, el presidente de Central Llechera Asturiana Asturiana (CLAS), Alberto Álvarez, cunta que los veceros de les cadenes de distribución guardaron productu y nun hai problema d’abastecimientu.

CLAS afronta la situación con esmolición y serenidá énte l’actual escenariu d’incertidume. Recuerda Alberto Álvarez que’l costu de la enerxía pa los sos ganaderos medró un 10% y pa la producción industrial, la fábrica de productos de derivaos de la lleche, un 400%.