Emprendedores hosteleros en tiempos de pandemia

Les rentes de los locales lleven 'cláusula covid'

Miramos pa los emprendedores que deciden abrir un negociu d'hostelería en plena pandemia. Quien opta a dar esi pasu, comenta que-yos cuesta algamar financiación, y que les rentes de los locales agora lleven 'cláusula covid', l'alquiler ta condicionáu a les restricciones qu'afite'l Principáu pa la hostelería.

Non too son cierres de locales. N'Uviéu tán abriendo nuevos negocios d'hostelería. ¿Y cómo s'emprende en pandemia?

La cafetería El Camino, ambientada n'El Camín de Santiago primitivu, abrió hai un mes. Negoció col propietariu del local un alquiler con 'cláusula covid'. El pagu mensual mengua si'l Principáu aplica restricciones a la hostelería.

Lopita & Co, un negociu familiar, abrió hai unos meses. Los dueños son un matrimoniu con siete fíos, de los que tres trabayen con ellos. Cuéntennos que-yos resultó imposible algamar dineru al traviés de la banca. Pudieron abrir gracies a les llinies de financiación d'Asturgar, que da'l Principáu al traviés del Idepa.

Y, amás, estos dos negocios intenten diferenciase del restu. N'El Camino, con almuerzos tipo brunch; y en Lopita & Co, con diseñu del local y ufiertando almuerzos y meriendes fechos artesanalmente.