Fuensanta teme l'impactu del agua del grifu gratis nos locales

La planta vuelve a tener pidíos de botelles de cristal pa hostelería  

Fuensanta vuelve a tener pidíos de botelles de cristal pa hostelería, una llinia que quedó parada dafechu col confinamientu.

La planta d'envasáu de Nava ta entá al 20% de la so capacidá y n'ERTE’l 40% de la so plantiya de 50 persones. En Fuensanta esperaben el so meyor añu dempués de seis dende la so compra y la inversión de 10 millones d'euros pero agora, si lleguen a la metá de lo previsto, dan l'añu por salváu.

Al COVID-19 amiéstase un nuevu contratiempu: la norma que tramita'l Gobiernu pa que los establecimientos tengan qu'ufiertar agua del grifu de baldre. En Fuensanta temen l'estrozu que puea facer al so negociu y defenden el trabayu rural.

Les botelles de cristal son retornables, el PET ye 100% reciclable y en Fuensanta certificaron que'l 90% de les sos botelles fueron reciclaes.