Webcams
Buscar
La industria láctea sigue "na llende" pola fuelga de tresportes
La industria láctea sigue nuna situación "llende" qu'afecta a la normalidá nel funcionamientu de les sos fábriques nel quintu día de la fuelga indefinida de tresportes convocada pola Plataforma en Defensa del Sector del Tresporte de Mercancíes per Carretera.
A les 3:30 Antidio Fernández, camioneru de CLAS, empieza a recoyer la lleche nuna ganadería de Les Regueres. Ye la so primer parada. Recueye unos 5.700 llitros. Estos díes nun tuvieron problemes na recoyida nes ganaderíes, pero nun saben lo que va pasar a partir de güei.
La so xornada llaboral ye de 12 hores, trabaya cada dos díes. Lleva unos 70.000 llitros a la Central Llechera Asturiana. De Les Regueres va a ganaderíes de Gozón.
Hasta'l momentu la Central Llechera tuvo recoyendo la lleche, pero díxo-yos, que nos próximos díes, entá ensin fecha, va tener que dexar de faelo. Tienen el stock al máximu, y nun tán saliendo productos ellaboraos porque falta material pa fabricar.
El paru tamién afecta a los ganaderos, si dexen de recoyer la lleche, dicen, namás queda una solución, tiralo pel sumidoriu.
