Webcams
Buscar
Inspección de Trabayu tresforma en fixos más d'un terciu de contratos temporales
Los sindicatos creen que la cláusula afectará al 30% de los trabayadores pel branu
La directora de la Inspección de Trabayu n’Asturies, Adelia García, afita que la entrada en vigor de la reforma llaboral ta ayudando a parar l’abusu de la temporalidá nes contrataciones. Namás la inspección ordinaria dexó la tresformación de 1.330 contratos temporales n’indefiníos no que llevamos d’añu.
De los 3.600 contratos revisaos esti añu, más d’un terciu pasaron a ser indefiníos. A ellos amiéstense los vinientes de les cartes unviaes pol Ministeriu de Trabayu a les empreses baxo sospecha de contratación irregular. En 2021 remitiéronse 6.200 avisos, de los que salieron más de 3.500 conversiones voluntaries. Agora la inspección céntrase nes otres 2.700 cartes ensin rempuesta, y la última reforma llaboral ta ayudando nesi llabor.
La responsable de la Inspección de Trabayu n’Asturies, Adelia García, ye partidaria d’una reforma del rexistru de xornada porque la obligatoriedá de fichar, tres años dempués de la so entrada en vigor, nun garantiza la veracidá de los datos.
El criteriu ye tramitar toles denuncies llaborales que lleguen al traviés del buzón del fraude, anque seyan anónimes.
Los sindicatos creen que la cláusula afectará al 30% de los trabayadores pel branu
El 25% de los trabayadores amparaos por un conveniu colectivu cuntaben en mayu con una cláusula de garantía salarial que s’activará en casu de que la inflación media d’esti añu s’asitie penriba de la xubida de sueldu pactada pal mesmu.
La midida afecta al rodiu de 800.000 trabayadores y busca evitar la pérdida de poder alquisitivu. Industria y servicios son los sectores nos que se concentra la presencia d’estes cláusules.
La disposición medró esti añu y ye que’l pasáu namás lo recoyíen el 18% de los alcuerdos colectivos.
