L'inflación vacia les estanteríes del Bancu d'Alimentos

En castellano: La inflación vacía las estanterías del Banco de Alimentos

L'aceite ye ún de los productos que más falta

El Bancu d’Alimentos d’Asturies necesita donaciones, sobre manera d’aceite de mirasol y oliva. Les donaciones cayeron esti añu un 60% por mor de la inflación.

Les estanteríes que n’otros tiempos tuvieron enllenes, güei malapenes tienen productos. Les donaciones cayeron por mor de la inflación, lo que complica atender a les 14.500 families que dependen del Bancu d’Alimentos, esplica Bernardo Sopeña, presidente del Bancu d’Alimentos.

A la cayida de les donaciones amiéstase la desapaición del fondu européu d’ayuda pa les persones desfavorecíes.

Llegó l’últimu camión enllén d’alimentos que vien d’Europa, lo que medra la incertidume y dibuxa un horizonte complicáu pa 2024, señala Josefa Cañadas, vicepresidenta del Bancu d’Alimentos d’Asturies.

El Bancu d’Alimentos d’Asturies prepara una campaña especial de recoyida d’alimentos los díes 25 y 26 de noviembre, una campaña que se desendolcará en tiendes, supermercaos, empreses y colexos.

El Bancu d’Alimentos ruega la implicación de los ciudadanos tanto pa donar, como pa participar como voluntarios.

Comparte