La SEPI nun autorizará axustes en Duro Felguera ensin el sofitu de la parte social

Gualda destaca que los 120 millones apurríos a la compañía dexaron caltener l'actividá

La presidenta de la SEPI, Belén Gualda, confirmó esti miércoles que’l Fondu de Sofitu a la Solvencia d’Empreses Estratéxiques nun autorizará nenguna midida llaboral en Duro Felguera (DF) que nun vaya precedida d’un alcuerdu ente la empresa y la parte social.

Asina lo señaló a rempuestes de los diputaos na so intervención na Comisión de Presupuestos del Congresu de los Diputaos, na que defendió que los 120 millones d’euros apurríos a la compañía a mou de rescate públicu temporal dexó caltener la so actividá.

Nesti sen, aseguró que toles empreses que recibieron ayudes del fondu dempués de vese afectaes pola pandemia tán cumpliendo "dafechu" col calendariu de pagos previstu pa la so devolución y nun se detectaron esviaciones nin incumplimientos.