La Xunión Europea prepárase pa buscar alternatives enerxétiques dempués de les primeres sanciones a Rusia

Ensin planes p'arrancar la regasificadora d'El Musel

Col conflictu con Rusia coles primeres sanciones en marcha, Europa prepárase p’acelerar alternatives enerxétiques y nun ser dependientes de gas y petroleu ruso.

Anque España nun ye tan dependiente como otros países como Alemaña, la opción más flexible ye medrar la entrada de gas en barcu al traviés de les regasificadores.

De les 20 regasificadores actives qu’hai n’Europa, siete tán n’España. La octava ye la d’El Musel, acabada va 10 años y dende’l branu pasáu candidata a reactivase anque nun recibió la orde que podría ser previa al so futuru papel nel hidróxenu verde.