La empresa Vesuvius niégase a retirar l'ERE

Los representantes de los trabayadores critiquen la "cerrazón de la compañía"

La dirección del grupu Vesuvius treslladó esti xueves a los trabayadores la so negativa a retirar l'ERE pal cese de l'actividá manufacturera nes plantes de Llangréu y Miranda de Ebro (Burgos), onde cuenta con 111 y 17 emplegaos, respectivamente, informa CCOO.

Los representantes de la multinacional comunicaron la so firmeza nel caltenimientu del espediente de regulación na xunta que caltuvieron esta mañana colos sindicatos nel Serviciu Asturianu de Solución Estraxudicial de Conflictos (Sasec), n'Uviéu.

Los representantes de los trabayadores critiquen la "cerrazón de la compañía" que nun dexa algamar nenguna meyora na comisión negociadora.