La gasolina supera'l so récord históricu más de nueve años dempués

El carburante véndese n'España a una media de 1,538 euros el llitru

El preciu de la gasolina xubió per quinta selmana consecutiva hasta marcar un nuevu récord de 1,538 euros el llitru, pa bater asina l'anterior máximu hestóricu rexistráu en setiembre de 2012, fai más de nueve años.

Según los datos espublizaos esti xueves pol Boletín Petroleru de la Xunión Europea (XE), la gasolina viéndese esta selmana n'España a una media de 1,538 euros el llitru, mientres que'l gasóil failo a 1,422 euros.

Tres esta nueva xuba, la gasolina supera'l récord de 1,522 euros vixente dende fai daqué menos de diez años, mientres que'l gasóil, qu'encadena seis selmanes al alza y ta un 1,6% per debaxo del so máximu históricu de 1,445 euros, marca'l so quintu preciu más eleváu desque esisten rexistros.