La inflación aumenta tres décimes n'Asturies, hasta'l 3,1% interañal en marzu

Nel conxuntu del país, l'IPC medró en marzu al 3,2% interañal

L'índiz de precios de consumu (IPC) xubió n'Asturies en marzu un 3,1% en tasa interañal, tres décimes más qu'en febreru, nun mes nel que l'encarecimientu de los alimentos siguió moderándose al pasar del 6,2 al 4,8 por cientu, según los datos espublizaos esti vienres pol Institutu Nacional d'Estadística (INE).

La tasa interañal del IPC n'Asturies medraron tres décimes en marzu, la mesma xuba rexistrada en xineru, dempués de qu'en febreru se moderara cuatro décimes.

En tasa mensual, los precios medraron nel Principáu en marzu un 0,8 por cientu, colo que nel acumuláu del primer trimestre tienen un alza del 1,3 por cientu.

Nel conxuntu del país, l'IPC medró en marzu al 3,2% interañal, cuatro décimes más que'l mes anterior, pol encarecimientu de la electricidá, mientres que la inflación de los alimentos retayó un puntu, hasta'l 4,3%, lo que supón la tasa más baxa dende fai más de dos años.