La inflación mengua n'Asturies una décima n'ochobre, al 3,1% interanual

Un mes nel que los alimentos menguaron la so xubida nel Principáu del 9,6 al 8,8%

L'índiz de precios de consumu (IPC) xubió n'Asturies n'ochobre un 3,1% en tasa interañal, una décima menos qu'en setiembre, nun mes nel que los alimentos menguaron la so xubida na comunidá del 9,6 al 8,8 por cientu, según los datos asoleyaos esti martes pol Institutu Nacional d'Estadística (INE).

Esta pequeña mengua de los precios produzse dempués de tres meses siguíos nos que la inflación acelerare n'Asturies.

En tasa mensual, los precios medraron nel Principáu n'ochobre un 0,3 por cientu, colo que nel acumuláu del añu tamién xuben un 3,1 por cientu.

Nel total del país, la inflación caltúvose estable n'ochobre nel 3,5%, la mesma tasa qu'en setiembre, pol abaratamientu del carburante, mientras que'l preciu de los alimentos baxó al 9,5%, un puntu inferior al mes anterior.