La patronal del tresporte confía nel efectu tractor del centru loxísticu d'Amazon

Va pasar a ser la nave loxística más grande d'Asturies

La patronal del tresporte de mercancíes valora de forma mui positiva la construcción del nuevu centru d'Amazon en Siero. Una noticia qu'ayeri-yos adelantó TPA Noticies. Va pasar a ser la nave loxística más grande d'Asturies, multiplicando por tres la d'Alimerka, ampliada apocayá.

Una gran noticia non solo pal sector sinón pal conxuntu de la economía asturiana, asegura Asetra. Amás, la patronal confía nel potencial d'Amazon p'atraer nueves empreses.

Pa Cesintra, la noticia supón un balón d'osíxenu, anque alvierten que van tar vixilantes pa evitar que se contraten falsos autónomos. Un trabayu precariu qu'amás supón, asegura, una competencia deslleal pal sector.