La plantiya de Saint-Gobain, dispuesta a movilizase hasta la retirada del ERE

"Tamos entamando y los ánimos vense fuertes"

El comité d’empresa de la fábrica avilesina de Saint-Gobain aseguró esti martes que los trabayadores siguirán movilizándose hasta la retirada del espediente d’estinción d’empléu qu’afecta a 42 trabayadores, dempués de la segunda xornada de paru “total”.

“Tamos entamando y los ánimos vense fuertes”, solliñó’l comité d’empresa nun comunicáu dirixíu a la plantiya nel qu’afondó en que’l futuru de 42 families ta agora nes sos manes y pidió la presencia de los güelguistes nes concentraciones convocaes frente a la portería de la fábrica.

El comité d’empresa alvirtió que la multinacional francesa deslocalizó productos vinientes d’Avilés pa unvialos a otres fábriques nuna decisión de la que los trabayadores, dixo, nun puen facese responsables.