La vista oral pol ERE d'Alcoa va ser el 19 de payares en Róterdam

Los trabayadores d'Alcoa donen sangre como amuesa del so agradecimientu

Yá hai fecha pa la vista oral nos tribunales de Róterdam, Holanda, sobro la denuncia sindical a Alcoa. Va ser el 19 de payares.

Los tribunales holandeses van tener que decidir si la multinacional incumplió la normativa europea na so declaración d'entamu del Espediente d'Estinción d'Empléu pa los más de 600 emplegaos de les plantes d'Avilés y Coruña.

Sindicatos y Alcoa tán axuntaos a estes hores na so primer xunta sobro l'ERE en Madrid, agora sí, col espediente correctamente rexistráu. Los sindicatos van pidir güei que se llevante l'ERE y siguir cola actividá.

Los trabayadores d'Alcoa donen sangre como amuesa del so agradecimientu

Devolver parte de la solidaridá y el ciñu recibíu ye l'oxetivu de los trabayadores d'Alcoa, que güei s'averaron hasta l'autobús del Centru Comuñal de Sangre y Texíos d'Asturies pa donar.

Anque dacuando fállen-yos los ánimos aseguren qu'intenten tar optimistes. Piden el sofitu unánime de los asturianos pa la manifestación del 8 de payares.

Según el Centru Comuñal d'Asturies, anque nun hai urxencia, siempres ye necesario qu'haya
donaciones de sangre.

La manifestación del 8 de payares va salir a les 7:00 la tarde de la plaza del Vaticanu pa percorrer les cais d'Aviles hasta llegar a la plaza España.