La xubida del gasoleu impulsa'l paru nacional del tresporte

El sector pide al Gobiernu midíes escepcionales pa recuperar la rentabilidá

La xubida del gasoleu ye una de les causes qu’impulsa’l paru nacional indefiníu, qu’entama esta medianueche nel sector del tresporte. Convócalu la Plataforma en Defensa del Sector Tresporte. N’Asturies, Uita y Cesintra sofiten esi paru; Asetra, la organización mayoritaria, non. Toos coinciden en que se necesiten midíes escepcionales pa recuperar la rentabilidá.

Cesintra, la segunda organización en númberu de socios n’Asturies, considera que’l paru ye la única opción, mientres el Gobiernu nun tome midíes que garanticen la rentabilidá del sector.

Asetra, la organización mayoritaria, da marxe al cumplimientu de les midíes yá acordaes, y a la xunta, esta selmana, del Comité Nacional de Tresporte per Carretera cola ministra. Y proponen más midíes.

Les dos organizaciones temen que si s’allarga’l paru puea repercutir nel desabastecimientu de productos, y confíen en que seya un paru ensin violencia.

Apuesten por solucionar darréu la situación incaltenible, dicen, d’un sector estratéxicu.