Les empreses d'enerxía eléctrico afiten que la descarbonización de la industria pasa pela electrificación

Menos impuestos y contratar al llargu plazu una tarifa, pue contribuyir a rebaxar los precios

L'Asociación d'Empreses d'Enerxía Eléctrico afiten que menos impuestos y la posibilidá de contratar al llargu plazu una tarifa, pue contribuyir a rebaxar los precios de la enerxía.

Les empreses d'enerxía eléctrico afiten que la descarbonización de la industria pasa pela electrificación y animen a qu'Asturies seya pionera nello.

Espliquen que'l preciu de la electricidá yá baxó y l'enclín ye que siga baxando. Un preciu que podría ser menor si amás s'amenorguen impuestos na factura, esplica Marina Serrano, presidenta de l'Asociación d'Empreses d'Enerxía Eléctrico.

EDP, Endesa y Iberdrola igüen l'asociación, qu'abordó n'Uviéu les oportunidaes de la transición hacia una enerxía verde y que pasen, afiten, pela electrificación. Y ello porque en 2030 el 81% de la enerxía eléctrico va dase con enerxía anovable. Y el 100% en 2050.

Nel nuevu modelu de producción eléctrica l'autoconsumu fotovoltaicu tamién garra protagonismu p'amenorgar la factura, especialmente nos llares. Asina, según los datos de les eléctriques, yá se triplicó n'España.