Los aficionaos al modelismu naval tienen una cita güei en L'Entregu

L'eventu axunta al rodíu d'El Ríu Nalón a aficionaos de toa España

Unos más clásicos y otros más modernos son dalgunos de los modelos que, dende esti mediudía, puen vese nel Alcuentru de Modelismu Naval, qu’axunta al rodíu d’El Ríu Nalón a aficionaos de toa España.

Nesta edición participen una trentena d’aficionaos. Ún d’ellos ye’l barcelonés Antonio Fernández. De tola so colección, vieno con una pequeña amuesa: un llaut mallorquín y una réplica d’un barcu de suministru de Salvamentu Marítimu. Esplica que lo más complicao pa cuidar cada modelu ye’l tresporte.

Esta tarde dende les 18:00 saldrán a navegar pel agua d’El Ríu Nalón, nuna amuesa ente la ponte de La Oscura y el polideportivu de L’Entregu.