Webcams
Buscar
Los empresarios planteen les sos duldes sobre la conciliación llaboral
La obligación de rexistru horario sigue xenerando abondes duldes
Los problemes d'adaptación de la xornada llaboral pa conciliar cola vida familiar ye yá una de les mayores preocupaciones de los empresarios. Conflictos que terminen nos xulgaos, cada vez en mayor númberu, y que nun tienen doctrina unificada.
Dende la última reforma del Estatutu de los Trabayadores en mayu, medraron les solicitúes de conciliación: adaptar l'horariu de trabayu pa poder atender meyor a los fíos, ensin que seya obligatoria una mengua de xornada y sueldu.
Una medría de pidimientos que, según los asesores xurídicos, pue chocar cola capacidá organizativa de les empreses.
La conciliación ta regulándose a golpe de sentencia. Al empar que medren les solicitúes, tán faciéndolo tamién les demandes. Los xulgaos de lo social tienen la última palabra porque, nestos casos, nun hai posibilidá de recursu a instancies cimeres, nin doctrina unificada.
Más de 150 responsables, sobre manera, de pequeñes empreses, fueron güei a una xornada informativa entamada por FADE pa esclariar duldes al respective.
La obligación de rexistru horariu sigue xenerando abonde duldes
Nes xornaes, tamién se faló del rexistru horariu de la xornada llaboral. Ye un asuntu que sigue xenerando duldes de calter técnicu y otres veces de calter prácticu en dalgunos negocios.
La Inspección de Trabayu nun ta siendo sobre manera incisiva, según los empresarios, y ta dando tiempu a les compañíes p'adaptase, a pesar de que fai tiempu que podría sancionar.
