Los trabayadores d'Alcoa darán batalla pa tumbar l'ERE

El comité d'empresa fai un llamamientu pa secundar la manifestación del día 8

Los trabayadores d'Alcoa encaren una selmana que sedrá decisiva pal so futuru y señalen que darán batalla pa tumbar l'ERE.

La multinacional notificó-yos ayeri esi espediente de regulación d'empléu y güei'l comité d'empresa xuntóse pa debatilu y ver qué se pue facer frente al mesmu.

"Nosotros nun vamos negociar un despidu. Nosotros queremos negociar la viabilidá de les plantes", declaró José Manuel Gómez de la Uz, presidente del comité d'empresa d'Alcoa.

De la Uz tamién señaló que tienen que movese y presionar más al Gobiernu. Amás, fizo un llamamientu pa que la sociedá secunde la manifestación del día 8.