Los trabayadores de Saint-Gobain empiecen 20 díes de fuelga pol ERE d'estinción pa 93 persones

La multinacional francesa solo ta abierta a negociar recolocaciones

Los trabayadores de Saint-Gobain empezaron la so primer xornada de fuelga a primer hora de la mañana. Los sindicatos llamen a la movilización dempués del fracasu de los últimos contactos cola dirección de la fábrica, a la qu'esixen aparcar l'ERE plantegáu pa 42 trabayadores de la planta d'Avilés y otros 51 de la de Tarragona.

Los paros van allargase hasta'l 8 de xunetu y van ser d'ocho hores per turnu en tolos centros de trabayu.

La multinacional francesa solo ta abierta a negociar recolocaciones nel grupu y fuera d'él.

Los emplegaos piden respaldu políticu. Falen de deslocalización de la producción a mercaos más precarios.